top bannerNEW

Қашқадарё вилоят филиали учун янги офис биносини очилиш маросими!

news16042018

 

 

Қашқадарё вилоят филиали учун янги офис биносини очилиш маросими!

 

Жорий йилнинг 15 апрель куни “Ўзагролизинг” АЖ Қашқадарё вилояти филиали учун янги офис биносини очилиш маросими бўлиб ўтди.

 

 

Тадбирда Қашқадарё вилоят ҳокими З.Ш. Рўзиев, Вилоят Касаба уюшмалари қўмитаси раиси Э. Ражабов, “Ўзагролизинг” АЖ Бош директори в.в.б. Д.А. Холдаралиев, “Ўзагротехсаноатхолдинг” АЖ вакиллари, вилоят фаҳрийлари, илғор фермер хўжалиги раҳбарлари ва бошқалар иштирок этди.

 

 

Даставвал, Қашқадарё вилояти ҳокими З.Ш. Рўзиев сўзга чиқиб, “Ўзагролизиг” АЖнинг вилоят филиали учун янги офис биноси очилиши билан барча йиғилганларни муборакбод этди. Вилоятда фермер хўжаликларига қишлоқ хўжалиги техникаларини етказиб беришда “Ўзагролизинг” АЖнинг алоҳида ўрни ва аҳамияти борлигини таъкидлаб, жамоанинг келгуси иш фаолиятида улкан зафарлар тилади.

 

Сўнгра, “Ўзагролизинг” АЖ Бош директори в.в.б. Д.А. Холдаралиев сўзга чиқиб, вилоят филиали учун янги офис биноси очилиши Қашқадарё вилояти қишлоқ хўжалиги корхоналари вакиллари учун янада кўп имконият ва қулайликлар яратишини айтиб ўтди. Мамлакатимиз Президенти томонидан олиб борилаётган ислохотлар натижасида қишлоқ хўжалиги маҳсулотлари етиштиришни кўпайтириш, ҳосилдорликни ошириш, уларни экспортга йўналтириш орқали мамлакатимизнинг иқтисодий салоҳиятини янада ошириш бўйича жуда катта ва кенг кўламли ишлар амалга оширилаётганлиги ва мазкур бинонинг фойдаланишга топширилаётганлиги ана шу ислоҳотларнинг кичик бир бўлаги эканлиги алоҳида таъкидланди.

 

 

Тадбир давомида филиал биносини қурган ташкилот – “Алрут Буилд” МЧЖ бош мухандиси З. Эрназаров ва бошқалар сўзга чиқиб, “Ўзагролизинг” АЖ Қашқадарё вилоят филиали жамоасини қувончли кун билан самимий қутлади.

 

Маълумот учун: “Ўзагролизинг” АЖ ўз фаолиятини бошлаган даврдан бошлаб ўтган вақт мобайнида Қашқадарё вилоят филиали қишлоқ хўжалиги корхоналарига 227,0 млрд. сўмдан ортиқ қийматдаги 6 минг 337 дона, шундан ўтган йилда 39,0 млрд. сўмлик қийматдаги 586 дона қишлоқ хўжалиги техникаларини лизинг асосида етказиб берди.

 

 

2018 йилда эса 96,5 млрд. сўмлик 514 дона қишлоқ хўжалиги техникаларини етказиб бериш режалаштирилган бўлиб, шундан 42 донаси ҳайдов тракторлари, 35 донаси чопиқ тракторлари, 50 донаси ғалла ўриш комбайнлари, 53 донаси сеялка ва культиваторлар, 334 донасини бошқа турдаги техникалар ташкил этади.

 

Вилоят қишлоқ хўжалик корхоналарига жорий йил 1-чорагида 11,8 млрд. сўмдан ортиқ 176 дона техникалар лизинг асосида етказиб берилган.

“Ўзагролизинг” АЖ

Матбуот хизмати

 

 

photo 2018-04-16 16-30-27  photo 2018-04-16 16-30-36

“O‘zagrolizing” акциядорлик жамияти акциядорлари диққатига!

image004

 

“O‘zagrolizing” акциядорлик жамияти акциядорлари диққатига!

 

“O‘zagrolizing” акциядорлик жамияти (100011, Тошкент шаҳар, Абай кўчаси, 4А-уй, info@agroleasing.uz) 2018 йил 20 апрель куни соат 10:00 дажамиятнинг 2017 йил якуни бўйича акциядорларнинг йиллик умумий йиғилиши ўтказилишини маълум қилади.

Манзил: Тошкент шаҳар, Абай кўчаси 4а - уй, “O'zagroservis” акциядорлик жамияти биноси, жамият мажлислар зали.

Акциядорларни рўйхатга олиш 2018 йил 20 апрель куни соат 9:00 да бошланади. Акциядорлар умумий йиғилишида иштирок этиш учун акциядорлар қонунчиликка мувофиқ шахсини тасдиқловчи ҳужжатларни рўйхатга олиш вақтида тақдим этиши шарт. Юридик шахсларнинг вакиллари белгиланган тартибда расмийлаштирилган ишончнома билан келишлари сўралади.

   Умумий йиғилиш кун тартибига киритилган масалалар:

   1. Саноқ комиссияси аъзолари сони ва шахсий таркибини тасдиқлаш.

   2. Акциядорлар умумий йиғилиши регламентини тасдиқлаш.

  3. Жамиятнинг 2017 йил молия-хўжалик фаолияти натижалари бўйича Бош директор вазифасини вақтинча бажарувчининг ҳисоботини тасдиқлаш.

 4. Жамият Кузатув кенгашининг 2017 йилдаги фаолияти ҳамда жамиятни ривожлантириш стратегиясига эришиш бўйича кўрилаётган чора-тадбирлар тўғрисидаги Кузатув кенгаши раисининг ҳисоботини тасдиқлаш.

  5. Жамиятнинг 2017 йил фаолияти натижалари бўйича тафтиш комиссияси хулосасини эшитиш ва тасдиқлаш.

  6. Жамиятнинг 2017 йил фаолияти натижалари бўйича ташқи аудиторлик ташкилотининг хулосасини эшитиш ва тасдиқлаш.

  7. Жамиятнинг 2017 йил учун йиллик ҳисоботини тасдиқлаш.

  8. Жамиятнинг 2017 йил якуни бўйича олинган соф фойдасини тақсимлаш. Дивидендлар миқдорини, уни тўлаш шакли, муддати ва тартибини белгилаш.

  9. Ўз вазифаларини бажарганлиги учун Жамият кузатув кенгаши аъзолари ва котибига, Бошқарув раиси ва аъзоларига йиллик мукофот пули ва тафтиш комиссиясига бир маротабалик ҳақ тўлаш.

  10. Жамият акциядорлари томонидан белгиланган даъво муддатида талаб қилиб олинмаган дивидендларни Жамият ихтиёрида қолдириш.

   11. Жамият Кузатув кенгаши аъзоларини сайлаш.

   12. Жамият Тафтиш комиссияси аъзоларини сайлаш.

   13. Жамиятда ўтказилган корпоратив бошқарув тизимини мустақил баҳолаш натижаларини эшитиш.

   14. Жамият томонидан мазкур жамиятнинг аффилланган шахслари билан ва йирик битимлар бўйича келгусида тузиладиган битимларини тасдиқлаш.

   15. Жамиятнинг бош директорини сайлаш.

   Жамиятакциядорларинингреестришакллантириладиган саналар:

  - Акциядорларнинг йиллик умумий йиғилиши ўтказилиши ҳақида хабар қилиш учун жамият акциядорларининг реестрини шакллантириш санаси: 2018 йил 6 апрель.

   - Акциядорларнинг йиллик умумий йиғилишини ўтказиш учун жамият акциядорларининг реестрини шакллантириш санаси: 2018 йил 16 апрель.

  Акциядорларнинг йиллик умумий йиғилиши бўйича тайёрланган ҳужжатлар билан танишиш учун қуйидаги манзилга мурожаат қилиш мумкин: Тошкент шаҳар Абай кўчаси, 4А-уй, “O‘zagrolizing” акциядорлик жамияти.

Мурожаат учун телефон: +99871 244-62-73.

18-19 март кунлари ўтказилган умумхалқ хайрия ҳашари

xashar

 

18-19 март кунлари ўтказилган умумхалқ хайрия ҳашари

 

   Ўзбекистоннинг барча ҳудудларида 18-19 март кунлари умумхалқ хайрия ҳашари ўтказилилди. Шу қатори “Ўзагролизинг” акциядорлик жамиятида ҳам умумхалқ хайрия ҳашари кўтарингки рухда ташкил этилди. Ҳашар муносабати билан вазирликлар, идоралар ва бошқа ташкилотларда меҳнат қилаётган ходимларнинг бир кунлик иш ҳақи миқдоридаги маблағлари Ўзбекистон “Маҳалла” хайрия жамоат фондининг банкдаги ҳисоб рақамларига ихтиёрий равишда ўтказилиши белгиланди.

 

1  2

 

   Хайрия ҳашаридан тушган маблағлар кам таъминланган, боқувчисини йўқотган оилаларга, ижтимоий ҳимояга муҳтож кексаларга, ногиронлиги бўлган шахсларга, ёлғиз қарияларга моддий ва маънавий ёрдам кўрсатиш каби тадбирларга сарфланиши назарда тутилган.

Жамият матбуот котиби.

 

 

 

21 март «Наврўз» умумхалқ байрами муносабати билан ташкил этилган байрам-тадбирлар

navruz

 

21 март «Наврўз» умумхалқ байрами муносабати билан ташкил этилган байрам-тадбирлар

 

“Наврўз” умумхалқ байрами муносабати билан 16-17 март кунлари  “Ўзагротехсаноатхолдинг” акциядорлик жамияти ва унинг тизим корхоналарида сайллар, миллий ўйинлар фестивали, миллий таомлар намойиши каби байрам тадбирлари ташкил этилди.

 

1  2

 

16 март куни “Ўзагролизинг” АЖ ва “Ўзагросервис” АЖ да “Наврўз” байрами муносабати билан сумалак тайёрланди, меҳмонлар ва мезбонлар учун дастурхон ёзилди.

17 март куни “Ўзагротехсаноатхолдинг” акциядорлик жамиятида катта “Наврўз сайли” ташкил этилди. Унда тизимда фаолият олиб бораётган барча корхоналардан 1000 дан ортиқ ходимлар ва раҳбарият вакиллари, меҳмонлар иштирок этдилар. “Сайл” тарзида ташкил этилган мазкур тадбирда, тизим корхона вакиллари ўзлари тайёрлаб келган миллий таомларни келганлар билан баҳам кўришди. Дастурхонга “ҳалим”, “ош” каби байрам таомлари тортилди.

 

3  4

 

 

Наврўз сайли давомида “арқон тортиш”, “куч синашиш”, “варрак учириш” каби миллий ўйинларимиз ходимлар ўртасида мусобақа тарзида бўлиб ўтди.

5  6

 

 

Эстрадамиз ҳонандалари томонидан ижро этилган қўшиқлар ҳаммага юқори кайфият улашди. Байрам тадбири гўзал куй ва қўшиқлар, рақсларга уланиб кетти. 

Жамият матбуот котиби.

 

 

 

 

 

 

  

Контактлар

Манзил:


Телефон:
Факс:

E-mail:

Иш кунлари:

 

Ўзбекистон, Тошкент ш.,

Абай кўч., 4а
(+99871) 244-62-73
(+99871) 244-49-89

info@agroleasing.uz

Душанба - Жума, 9:00 - 18:30

telefon

Ишонч телефони регламенти.

Ишонч телефонидан тушган мурожаатлар натижаси.

Ягона телефон рақами регламенти

 


 

Сайтимизда қанақа мавзулар ёритилиши керак деб биласиз?

Савол беринг

­

  • Uzbek (Uzbekistan) translation is still missing. Please consider to contribute by writing and sharing your own translation. Learn more.