ISO-9001:2008 халқаро сифат менежмент тизими бўйича

“Ўзқишлоқхўжаликмашлизинг” акциядорлик лизинг компанияси ижроия аппаратида,  унинг Тошкент вилояти филиали ва “Узмашлизинг” МЧЖ шўъба корхонасида 2014 йилда ISO-9001:2008 серияли халқаро сифат тизими жорий қилинган.

Жорий йилнинг август ойида Қорақалпоғистон Республикаси, Андижон, Наманган, Самарқанд, Фарғона ва Хоразм вилоят филиалларида ISO-9001:2008 халқаро сифат тизимини жорий қилиш тизими режалаштирилган.

Жойларда сифат тизимини ISO-9001:2008 халқаро талабларга мос ҳолда ишлаб чиқиш ва татбиқ этиш бўйича консультатив хизматлар кўрсатишга “SMS Sistem” МЧЖ мутахассислари ҳамда ўқув семинарлари ўтказишга “Cert international” Сертификатлаш органи мутахассислари жалб қилинган. Барча ҳужжатлар ва лизинг жараёни ISO-9001:2008 сифат менежмент тизимига мослаштирилган.

 2015 йил 5-13 август кунлари “Cert international” Сертификатлаш органи аудиторлари томонидан Сифат менежмент тизимига кирувчи Компаниянинг барча таркибий бўлинмалари ва раҳбар ходимлари кузатув аудитидан ўтказилди ва сифат тизими бўйича олиб борилаётган ишлар ISO-9001:2008нинг талабларига мослиги тасдиқланди.